Ұйымдастырылған іс-әрекет: Жануарлар әлемі

Білім беру саласы: Таным, Қатынас, Қоршаған ортамен танысу

Мақсаты:

1. Балалардың жануарлар туралы білімдерін кеңейту және олардың тіршілік ортасын ажырата білуге үйрету.
2. Үй және жабайы жануарлардың айырмашылығын салыстыра білу қабілетін дамыту.
3. Табиғатты қорғауға, жануарларға қамқорлықпен қарауға тәрбиелеу.
4. Балалардың ойлау, есте сақтау және байланыстырып сөйлеу дағдыларын жетілдіру.

Көрнекіліктер:

Жануарлардың суреттері мен бейнелері, мультимедиялық слайд, үй мен орман макеті, карточкалар, жұмбақтар, аудиожазбалар.

1. I. Ұйымдастыру кезеңі

(Балаларды шаттық шеңберіне жинау)

– Балалар, бір-бірімізге жақсы көңіл-күй сыйлайық.

Барлығы бірге:

Күннің нұрын алайық,

Жүрегімізге салайық.

Жануарларды қорғайық,

Жақсылыққа балайық!

– Бүгінгі сабағымызда біз орманға және үйге «саяхат» жасаймыз. Онда әртүрлі жануарларды кездестіреміз.

1. II. Тақырыппен таныстыру

– Бүгінгі тақырыбымыз – «Жануарлар әлемі».

– Сендер қандай жануарларды білесіңдер?

(Балалар жауап береді: ит, мысық, сиыр, аю, қоян, түлкі, т.б.)

– Дұрыс, жануарлар екіге бөлінеді:

1. Үй жануарлары – адамға пайдасы бар, үйде ұстаймыз.
2. Жабайы жануарлар – орманда, тауда, далада өз бетімен өмір сүреді.

(Суреттер арқылы көрсету, балалардан сұрау: «Бұл қай жануар? Қайда тұрады?»)

III. Түсіндіру бөлімі

– Үй жануарлары адамға пайда келтіреді. Мысалы, сиыр – сүт береді, қой – жүн береді, жылқы – көлік ретінде мінеміз.

– Ал жабайы жануарлар өздері табиғатта өмір сүреді. Мысалы, аю – орманда жүреді, түлкі – аң, қасқыр – ет жейді.

Сұрақтар:

– Ит қайда өмір сүреді?

– Қасқыр ше?

– Үй жануары мен жабайы жануардың айырмашылығы неде?

Шығармашылық орта:

Балаларды төрт топқа болып жұмыс жүргіземіз

1-топ жабайы жануарлардың қоректендіру әр жануардың жейтін асын тауып аузына салу

2-топ үй жануары қой және қошақанды құрастыру бадырақ арқылы жасалынатын  ұжымдық жұмыс

3-топ асқабақ көкөнісін дәнді-дақылдар арылы безендіру

4-топ 10- ға дейінгі сандарға сақиналар жинау

1. V. Сергіту сәті

(Қимылмен орындайды)

Аю орманда жүрді,

Бал іздеп ол сүрінді.

Қоян қашты орманға,

Жүгіріп кетті алысқа.

1. Ойын: «Үй жануары ма, жабайы ма?»

Мақсаты: Жануарларды топтастыру, логикалық ойлауын дамыту.

Тәрбиеші суреттерді көрсетеді, балалар топтастырады.

– Сиыр – үй жануары

– Түлкі – жабайы

– Ит – үй

– Аю – жабайы

Қиындатылған сұрақ:

– Егер түлкіні үйге әкелсе, ол үй жануары бола ма? Неге болмайды?

(Балалардың ойлану және себеп айту қабілетін дамыту үшін.)

1. Ойын: «Жануардың дауысын тап»

Мақсаты: Есту және есте сақтау қабілеттерін дамыту.

Тәрбиеші жануарлардың дауыстарын қосады:

– «Мяу-мяу» – бұл кім?

– «Мууу» – ше?

– «Ар-р-р» – ше?

Балалар жауап береді: Мысық, Сиыр, Арыстан.

Кейін тәрбиеші араластырып жылдам қосады, балалар жылдам жауап беруі керек.

VII. Ойын: «Кім қалай қозғалады?»

Мақсаты: Қимыл арқылы жануардың мінезін бейнелеу, елестету қабілетін дамыту.

– Қоян қалай секіреді?

– Аю қалай жүреді?

– Түлкі ше?

– Құстар қалай ұшады?

Балалар қимыл арқылы көрсетеді.

VIII. Ойын: «Жануарды тап»

Мақсаты: Ойлау және есте сақтау қабілеттерін дамыту, сөйлеуін жетілдіру.

Тәрбиеші сипаттайды, балалар табады:

– Бұл жануар үйде тұрады, сүт береді. (Сиыр)

– Бұл аң орманда жүреді, бал жейді. (Аю)

– Бұл жануар секіреді, сәбіз жақсы көреді. (Қоян)

Кім дұрыс тапса, жұлдызша алады.

1. Қорытынды

– Бүгін біз не білдік?

(Балалар: жануарлардың түрлері, айырмашылығы, олардың пайдасы.)

– Жануарлар – табиғаттың бір бөлігі, сондықтан біз оларды қорғап, қамқор болуымыз керек.

1. Рефлексия

– Саған қай жануар көбірек ұнады?

– Егер сенде жануар болса, оған қалай қамқор болар едің?

Қорытынды сөз:

Балалар, жануарлар – біздің достарымыз. Олар да тіршілік иесі, сондықтан оларды жақсы көріп, ренжітпеу керек. Табиғатты аялау – адамгершіліктің белгісі